14 05 12 21:33Tysdagstur 15.05
Vi er midt i mai, og hausten har sett inn for fullt. Det kjennest i alle fall slik. Ikkje desto mindre er det høve til dei friskaste til å ta turen ut også i morgon. Oppsettet seier Hestedalen, og eg trur snøen ikkje har lagt seg til igjen utover dalføret. Sjølv skal eg ha ein utanforkommunen-oppleving, men kanskje andre tek turen?Atle - to kommentarar
07 05 12 10:20Tysdagstur 08.05
Fyrste tur i år, og eg som trudde våren ville vere komen på desse tider då eg sette opp turane. Som eg skreiv i turlista hadde Dagmar ruska så godt til inne i fjellsidene at det kan vere vanskeleg å kome fram no. Aase RS melder om at det er anleggsmaskiner i terrenget, så turen bør endrast. Eg trur eg då må seie at dei som møter ved skulen får einast om kor ein vil gå. Maisnø og kjøleg nordavind kan også vere med å påverke turmål. Sjølv er eg i vedamodus for tida og må bruke all ledig tid til å få den ut av (kvelds)bøna.Atle - to kommentarar
27 04 12 14:23DUGNAD PÅ MARDAL SKULE MANDAG kl 17
Minner om dugnad mandag 30 april kl 17. Vi håpar at mange har høve til å være med. Arbeidsoppgåvene vert som tidlegare år; rydding og vask ute og inne.
Har du ikkje anledning til å stille på, men har lyst å hjelpe til ein anna dag, er det flott om du seier frå til noken i styret. Vi har enda litt arbeid i bakhand…
Ta med eigna reiskap for ute- og innearbeid, samt noko å bite i om du føler for det. Det vert servert kaffi og saft.
SveinOve - Ingen kommentarar
22 02 12 09:27Buktabladet til påske
Siste frist for innlevering av stoff er sett til 18. mars. Vi tek imot det vi får, vi skriv gjerne for lager. Send det til underteikna sin epost: atle.soreide@enivest.net.
Atle - Ingen kommentarar
28 01 12 21:24Årsmøte 2012
Vi minner om årsmøte i Mardal krins;Dato: Søndag 29. januar 2012 kl. 20.00
Møtestad: Mardal skule
Førebels sakliste:
1. Godkjenning av møteinnkalling
2. Årsberetning
3. Rekneskap
4. Val av nytt styre
5. Eventuelt.
Det vert lett servering.
Helsing krinsstyret
SveinOve - Ingen kommentarar
04 12 11 09:27Juleverkstad
Vi minner om juleverkstaden på skulen i dag (søndag 4.12) kl 14.00.Atle - Ingen kommentarar
09 11 11 14:02BYGDAKVELD
Det vert bygdakveld på Mardal skule
søndag 13. november kl. 20.00
Program:
Tale ved Sjur Atle Austrheim
Musikk med Grannelaget
Kaffi/mat/åresal/bordkonkurranse
Vel møtt gamal som ung
- Bygdakveldkomiteen -
SveinOve - Ingen kommentarar
05 11 11 08:07Julenummer Buktabladet
Vi ynskjer stoff til julenummeret også i år, som om du har noko på hjartet tek vi gjerne imot. Vi set innleveringsfristen til utgangen av november, og du kan sende inn stoff, helst i word-format, til mi epostkasse: atle.soreide@enivest.net.Atle - Ingen kommentarar
14 10 11 16:23Basar på Mardal skule
Søndag 16. oktober kl. 16 er det klart for årets krinsbasar i Bukta. Vi håpar at mange vil ta seg tida til å møtast denne dagen, og vi kan freiste med god mat og drikke i tillegg til flotte vinstar og god stemning.
Vi reknar med å avslutte rundt klokka sju.
Vinstar vert tekne i mot med takk!
Det vi være folk på skulen fredag frå kl 18, og søndag frå kl 14SveinOve - Ingen kommentarar
21 09 11 15:43Dugnad Gapahuken
Lørdag 24. sept kl 09 blir det stordugnad på gapahuken ved Veslevatnet; vi skal da skjære torve og få denne på taket. 4H vil ikke klare denne jobben uten hjelp fra bygdas folk - håper du har anledning å hjelpe til med denne storjobben!
For å kunne planlegge arbeidet, vg ta kontakt med Kjell Heggdal hvis du kan stille på, tlf 4824 9581
SveinOve - Berre en kommentar
19 07 11 12:37Er du klar for Traudalsnibba i kveld?
Har vore spent på veret, om det held seg eller om det blir ringare. Førebels (kl 14.00) ser det greitt ut, men vi får no sjå, meldingane seier at det skulle bli dårlegare utover kvelden og natta.Atle - femten kommentarar
11 07 11 21:53Blir det Hyentur?
Det er ikkje turver nett no, men meldingane for morgonkvelden er brukbare. Om det er lageleg ver vil eg råde til turstart kr 18.00, det er tross alt tre kvarter å køyre. Turen frå Ronggkleiva via Rombergvatnet og Mjellemstøylen vart gått også i fjor, men då var det mange som ikkje var med. Kanskje lagar det seg denne gongen?Atle - tre kommentarar
06 07 11 14:03Ein nydeleg kveldstur til Trollenyken
Snakk om å vere heldige med veret. Det var heitt å gå oppover i skogen, men oppe på fyrste platået ved Skipenessætra opna landskapet seg, og deretter var det fint å gå. Og for ei utsikt vi fekk, innover Hyefjorden mot Holme, Gloppefjorden, Grodås, Ålfoten og langt utover Nordfjorden. Vi var ikkje åleine oppe denne kvelden, men var vel kanskje dei som brukte mest tid på toppen, for vi tok 23-ferja tilbake. Råsa var fast og fin, og stort sett tørr heile vegen, lett å finne var den og.Atle - Ingen kommentarar
04 07 11 20:55Trollenyken på tysdag?
Blir veret som måndagskvelden er det laga for Eidatur, men om skyene heng nedover fjella er det ikkje eigna til å gå den turen. Det er steikjande vanskeleg å seie det no, så eg må be dokke om å vurdere dette ved å sjekke skylaget. Dersom det er Trollenyken ver må vi starte tidlegare enn vanleg. Då bør vi reise over med kvart over seks ferja. Turen opp tek ca to timar, kanskje litt i underkang, og der er ein fantastisk fin utsikt, blant anna innover mot Hyen og Gloppefjorden. Ved lageleg TN-ver må vi satse på frammøte seinast ti på seks ved skulen.For dei som ikkje veit det er Trollenyken det fjellet vi ser rett over inngangen til Lotetunellen på vår side. Den ligg på rett under 900 moh, så det er ikkje så stygghøgt, men vi startar nesten ved havnivå så det er bra stigning. Råsa slynger seg oppover mot Skipenessætra, tek deretter litt til venstre og går vidare opp gjennom lia mot toppen.Atle - Ingen kommentarar
28 06 11 09:19Tysdagstur i kveld
Det høljar ned og dei melder 5-års flaum. Det er difor uaktuelt å gå på oppsett tur i kveld. Men eg ser ikkje bort frå at nokon vil ha ein kveldstur i regnet, i så fall må ein møte til vanleg tid.Atle - tre kommentarar